Apr 26, 2024 | 11:00 / Maraqlı məlumatlar
M.V.Lomonosov adına Moskva Dövlət Universitetinin (Moskva) bir qrup alimləri qırmızı və infraqırmızı diapazonda işıq saçan bir neçə lantanoid kompleksi, o cümlədən, evropium və itterbium komplekslərini sintez etmişlər. Onların tərkibində lantanoid atomlarından başqa lüminessensiyanın temperaturdan asılılığını, həm də istiliyə qarşı davamlılığını, elektrik sahəsində ionların mütəhərrikliyini təmin edən üzvi qalıqlar da (liqandlar) vardır. Sonuncu xassələr komplekslər əsasında daha sonra displeylərin və biotibbi cihazların komponentləri kimi istifadə edilə bilən üzvi işıq diodları əldə etməyə imkan verdi. Evropium kompleksləri qırmızı işıq mənbələri kimi, itterbium kompleksləri isə infraqırmızı emitentlər kimi alınmışdır.
Tədqiqatçılar bu maddələri temperaturdan asılı olaraq şüalanmanın intensivliyini ölçən cihaza yerləşdirdilər. Təcrübələr göstərdi ki, itterbium birləşmələrində şüaların intensivliyi yalnız 27°C-dən 327°C-ə qədər olan temperaturda dəyişir və bu onların yüksək temperaturlu termometrlərdə istifadəsinə imkan verir. Eyni zamanda, qırmızı işıq saçmağa malik olan europium kompleksləri -193 ° C-dən -73 ° C-ə qədər olan temperatur intervalında həssaslıq nümayiş etdirir.
Rusiya Elm Fondunun qrantı ilə dəstəklənən tədqiqatın nəticələri Optical Materials jurnalında dərc olunub.