Sankt-Peterburq Dövlət Universitetinin (Sankt-Peterburq), Rusiya Elmlər Akademiyasının Kurnakov adına Ümumi və Qeyri-üzvi Kimya İnstitutunun (Moskva) və Liverpul Universitetinin (Böyük Britaniya) alimlər qrupu palladium birləşmələri  əsasında yeni tip    işıq şüalandıran  materiallar yaradılmasına  yeni yanaşma  hazırlayıblar.

Tədqiqatçılar kristallar və nazik polimer plyonkalar şəklində yeni birləşmələr əldə etmişlər. Ayrı-ayrı molekulların işıq şüalandırma qabiliyyəti olmadığı halda , əmələ gələn  kristallar  ultrabənövşəyi şüa ilə şüalandırıldıqda  parlaq yaşıl işıq saçırlar.

Alimlər müəyyən etdilər ki, kristallarda palladium atomları arasındakı məsafə o qədər kiçikdir ki, metallar bir-biri ilə qarşılıqlı əlaqədə olur. Bu qarşılıqlı əlaqə elektronların yenidən paylanmasına gətirib çıxarır ki, nəticədə maddə şüalanma vəziyyətinə keçə bilir. Hesablamalardan istifadə edərək,  alimlər palladium atomları arasındakı qarşılıqlı əlaqənin sinergetik,  olduğunu  üzvi fraqmentlər arasında bir neçə növ cəlbedici qarşılıqlı təsirlərin  kombinasiyası ilə müəyyənləşdirdilər.  

Alimlər həmçinin sübut etdilər ki, palladium atomlarını platin atomları ilə əvəz etməklə sarı, narıncı və qırmızı şüa saçan   materiallar əldə etmək mümkündür.

Rusiya Elm Fondunun Prezident Proqramının qrantı ilə dəstəklənən tədqiqatın nəticələri “ İnorganic Chemistry” jurnalında dərc olunub.

https://indicator.ru/chemistry-and-materials/uchenye-zastavili-palladii-svetitsya-18-03-2024.htm