Mart 04, 2024 | 16:31 / Konfranslar, iclaslar
Tələbələrə “Monooksigenaz reaksiyalarının modelləşdirilməsi” laboratoriyasında dəmirprofi- rin tərkibli biomimetik katalizatorların sintezi üçün aktiv kompleks məhlulun hazırlanması və onun məhluldan daşıyıcı üzərinə adsorbsiyası tələbələrə əyani olaraq göstərilmişdir. Həmçinin, tələbələr “Qeyri-üzvi və sintetik sorbentlər” laboratoriyasında sorbsiyanın vaxtdan asılılığı üzrə təcrübələrin qoyulmasında iştirak etmiş, “Əlvan metal tərkibli mineral xammalın emalı” laboratoriyasında misin və dəmirin fotometrik metodla təyini ilə tanış olmuş, “Nanokarbon katalizatorları iştirakında hidrogen peroksidlə oksidləşmə” laboratoriyasında isə karbohidrogenlərin maye fazada oksidləşməsi zamanı alınan oksidatda aktiv oksigenin təyini metodları üzrə təcrübələr aparmışlar.
“Keçid metalların metal-üzvi birləşmələri” laboratoriyasında tələbələr həlledicilərin inert (arqon və ya azot qazı) mühitdə distillə olunması, kompleks birləşmələrin süzmə, yenidən kristallaşdırma və xromotoqrafiya üsulları ilə təmizlənməsi prosesi ilə tanış olmuş onlara “Renium ərintilərinin elektrokimyası və elektrokatalizi” laboratoriyasında renium-molibden ərintilərinin elektrokimyəvi yolla alınması prosesi əyani olaraq göstərilmiş və molibden ərintisinin kimyəvi tərkibini analiz etmək üçün SPECORD 50 PLUS cihazında işləmək qaydası izah edilmişdir.
Sonra “Molekulyar maqnetiklər və keçiricilər” laboratoriyalarda onlara LH liqandı ilə Cu(II), Ni(II), Co(II) komplekslərinin sintez edilməsi, sintez edilmiş komplekslərin ərimə temperatu- runun təyini və kristalların mikroskopda müşahidə olunması haqqında geniş məlumat verilmişdir.