Moskva Dövlət Universitetinin Termokimya Laboratoriyasında  fullerenlər əsasında polimer nanostrukturlarının tez və effektiv şəkildə  alınmasını öyrəniblər. Bu iş kimyaçılara yüksək elektron keçiriciliyə malik, üzvi optoelektronikada tələbatı  olan yeni tam karbonlu polimer materialları yaratmağa imkan verəcək.

Fullerenlər-  karbon yarımkeçirici materialların mühüm sinfidir. Alimlər onlardan molekulyar elektronikada istifadə edirlər; fullerenlər sahə effektli tranzistorların, polimer və perovskit günəş batareyaların və yanacaq elementlərin tərkibinə daxildir. Tədqiqatçıların müəyyənləşdirdilər ki, polimer fullerenlərdən əldə edilə bilən nizamlanmış nanostrukturlardan istifadə edilsə, bu cihazlar  daha səmərəli işləyə bilərlər. Əvvəllər yüksək elektron keçiriciliyə malik belə materiallar yalnız son dərəcə yüksək təzyiq altında sintez edilə bilərdi.Rus alimi Viktor Brosman tərəfindən birölçülü polimer fulleren nanostrukturlarının istehsalı üçün ekstremal şərait tələb etməyən yeni üsul təklif edildi . Fulleren sürmə xloridlərin qarışığı ilə işləndikdə nanostrukturlar öz-özünə yığılır. İlkin materialların nisbətini dəyişdirməklə polimerin uzunluğunu tənzimləmək, həmçinin seçici və yüksək məhsuldarlıqla dimer və ya kristal şəklində zəncirli polimer sintez etmək mümkündür”.

Kimyaçılar monokristalların rentgen difraksiya analizindən istifadə edərək yaranan nanostrukturların quruluşunu  öyrəndilər və spektroskopik üsullar və kvant kimyəvi hesablamalar  isə onlara əsas xassələri müəyyən etməyə kömək etdi. Alınan birləşmə, kimyəvi yolla  sintez edilmiş dayanıqlı polimerin ilk nümunəsidir. Alimlərin fikrincə, belə strukturlardan xlorun çıxarılması üzvi elektronikada tətbiq üçün perspektivli olan tam karbonlu nanotellərin yaradılmasına yol açır.

 “Gələcəkdə alimlər polimer fulleren nanostrukturlarından xlorun ayrılması  üzrə təcrübələri davam etdirməyi, eləcə də işlənmiş yanaşmanı digər fulleren çərçivələrinə tətbiq etməyi və nəticədə əldə edilən strukturları optoelektronik cihazların bir hissəsi kimi sınaqdan keçirməyi planlaşdırırlar”.

İş Rusiya Elm Fondunun dəstəyi ilə həyata keçirilib. Araşdırmanın nəticələri Kral Kimya Cəmiyyətinin Dalton Transactions jurnalında dərc olunub.

https://www.nanonewsnet.ru/news/2023/uglerodnye-nanoprovoda-iz-fullerenov-sdelali-v-mgu