Xəbərlər
Foto
AMEA Gənc Alim Və Mütəxəssislər Şurası və YAP AMEA Rəyasət Heyəti Aparatının Ərazi təşkilatının birgə təşkilatçılığı ilə “Xocalı soyqırımı”-nın 30-cu ildönümünə həsr olunmuş anım tədbiri keçirilmişdir.
Fev 25, 2022 | 15:37 / Konfranslar, iclaslar
Oxunub 2745 dəfə

Tədbir Xocalı soyqırımı qurbanlarının və Azərbaycan şəhidlərin əziz xatirəsinin bir dəqiqəlik sükutla yad edilməsi ilə başlamışdır. 

Tədbirdə giriş sözü ilə çıxış edən AMEA Elmi təşkilat idarəsinin rəisi, fizika üzrə fəlsəfə doktoru, dosent Rüstəm Rüstəmov 1992-ci il öncə fevralın 25-dən 26-na keçən gecə Ermənistan silahlı qüvvələrinin SSR-nin 366-c motoatıcı zirehli texnikası və hərbi heyətinin dəstəyi ilə Xocalıya ağır hərbi texnika yeritdiyini, şəhərin əhalisinə qarşı bəşər tarixində misli görünməmiş vəhşiliklə divan tutduğunu diqqətə çatdırıb. Bildirdi ki, bu soyqırım nəticəsində Xocalının dinc sakinləri xüsusi qəddarlıqla qətlə yetirilmiş, əsir götürülənlərə amansız işgəncələr verilmişdir. Beynəlxalq ictimaiyyətin Xocalı soyqırımına siyasi-hüquqi qiymət verməsinin vacibliyini vurğuladı.

YAP AMEA Rəyasət Heyəti Aparatının Ərazi təşkilatının Sədri texnika elmləri üzrə fəlsəfə doktoru, dosent Hüseyn Hüseynov faciədən 30 il keçməsinə baxmayaraq faciə qurbanlarının unudulmadığını bildirdi. Soyqırım zamanı dinc əhaliyə qarşı törədilmiş genişmiqyaslı hərbi cinayətlər barədə ətraflı məlumat verdi.

Daha sonra AMEA-nın Gənc Alim və Mütəxəssislər Şurasının sədri, kimya üzrə fəlsəfə doktoru Elmir Babayev çıxış edərək bildirdi ki, Azərbaycanın müstəqillik tarixinə qanlı səhifə kimi daxil olan Xocalı soyqırımı dünyada baş verən digər soyqırımlarla bir sırada dayanır: “Xocalı şəhərinin ermənilər tərəfindən əsas hədəf seçməkdə məqsəd Qarabağın Ermənistana birləşdirilməsi iddiasının gerçəkləşdirilməsi kimi düşünülmüş siyasətin tərkib hissəsi idi. Geosiyasi və tarixi əhəmiyyətə malik Xocalının işğalı ilə erməni qəsbkarları Qarabağınn işğalının başlanğıcını qoymuş oldular.”

Sonra hadisələrdən zərərçəkmiş, doğmalarını itirmiş Focalı sakinləri Elmira Kərimova, Fizuli Mehbalıyev şahid olduqları vəhşiliklər, məruz qaldıqları qeyri-insani rəftarlar barədə hiss və emosiyalarını bölüşmüşdülər. Çıxışçılar dəhşətli və qanlı faciəsinin səbəbkarlarının öz cəzalarını alacaqlarına inandığını qeyd edib.

Daha sonra Polimer Materiallari İnstitutunun GAM Şura sədri Günel Qurbanlı – 30 illik Xocalı, Arxeologiya, Etnoqrafiya və Antropologiya İnstitutunun GAM Şura sədri, tarix üzrə fəlsəfə doktoru, dosent Taleh Əliyev – Xocalı soyqırımı: cinayətlərə arxeoloji və antropoloji baxış, AMEA Gəncə Bölməsi GAM Şura sədri tarix üzrə fəlsəfə doktoru, dosent Elnur Həsənovun – Xocalı soyqırımının tanıdılmasında Azərbaycan gəncliyinin rolu mövzularında çıxışları dinlənildi.

Çıxışlar zamanı ulu öndər Heydər Əliyevin ölkəmizi xaos və anarxiyadan qurtardığı Respublikamızın Güclü dövlət - müstəqil siyasət konsepti əsasında inkişafını təmin etdiyi və Xocalı soyqırımının dünyada tanıdılması istiqamətində sistemli və ardıcıl işlərin məhz Ulu Öndərin 1993-cü ildə hakimiyyətə qayıdışından sonra mümkün olduğu qeyd edilib. Xocalı həqiqətlərinin dünyaya tanıdılması, Ermənistanın sovet hərbi dairələrinin dəstəyi ilə həyata keçirdiyi insanlıq əleyhinə cinayətin beynəlxalq miqyasda ifşası istiqamətində xeyli işlər görüldüyü diqqətə çatdırılıb. Vurğulayıb ki, Xocalı qırğınlarını Azərbaycan xalqı heç vaxt unutmayacaq. Xocalı soyqırımının tanınması ilə bağlı əldə olunan təqdirəlayiq nəticələr onu deməyə əsas verir ki, bu qətliamı törədənlər gec-tez ədalət mühakiməsi qarşısına çıxacaq, öz dəhşətli cinayətlərinə görə cavab verməli olacaqlar. Beynəlxalq hüquq və sağlam düşüncə məhz bunu tələb edir.

Sonra tədbir iştirakçıları öz fikirlərini bölüşdülər.

Sonda 26 fevral tarixində planlaşdırılan Xocalı abidəsinin ziyarəti haqqında elan auditoriyanın diqqətinə çatdırılmışdır.

JURNALLAR
Faydalı linklər