Çindən olan kimyaçılar biri Mobius zolağı formasında digəri isə kəmər şəklində mövcud olan iki makrotsiklik molekul sintez etdilər. Hər iki strukturda kükürd heterotsiklinin və kraun- efirinin fraqmentləri var və onların içərisində kiçik molekulların nüfuz edə biləcəyi boşluq var. Bundan əlavə, molekulyar Mebius zolağının iki formada mövcud olduğu və onların bir-birinə çevrilməsinin idarə edilmə mümkünlüyü aydın oldu.

Kəmər formalı molekullar qeyri-adi quruluşu ilə kimyaçıları cəlb edir, lakin onları əldə etmək olduqca çətindir. Makrotsikl əmələ gətirə bilən böyük molekuldakı reaksiya mərkəzləri bir-birindən uzaqda olduğundan onlar digər həll olunmuş molekullarla tez reaksiyaya girə bilir. Buna görə belə tsikl əmələgəlmə reaksiyalarının məhsuldarlığı çox vaxt bir neçə faizi keçmir.

Alınma çətinliklərə baxmayaraq, kimyaçılar bir çox müxtəlif makrotsikl kəmərlərini ayırmış və təsvir etmişlər. Onlar nanoboruların sintezində, molekulyar maşınların istehsalında və supramolekulyar kimyanın digər sahələrində istifadə olunur. Həmçinin mebius zolağı şəklində molekulları əldə etmək çətindir: nəticədə tsikl kifayət qədər böyük olmalıdır ki, molekulyar zəncirinin bükülməsi məhsulun qeyri-sabitliyinə səbəb olmasın. Belə qeyri-adi molekulları əldə etmək üçün etibarlı üsulların çox az olması səbəbindən alimlər onların sintezi sahəsində axtarışlarını davam etdirirlər.

Sun Yat-sen Universitetindən Çju Kelonqun rəhbərlik etdiyi bir qrup kimyaçı qeyri-adi formalı makrotsiklləri sintez etmək üçün tiantren heterotsiklindən istifadə etmək qərarına gəlib.

Araşdırma “Organic Letters” jurnalında dərc olunub.

https://www.nanonewsnet.ru/news/2021/khimiki-zavernuli-molekulu-v-lentu-mebiusa