Noy 10, 2020 | 11:52 / Maraqlı məlumatlar
Ural Federal Universitetinin alimləri dəyişdirici qatqılardan (dopantlardan) istifadə edərək BaLaInO4-də oksigen-ion və proton nəqlini asanlaşdırdılar. Bu birləşmə bərk oksid yanacaq hüceyrələri üçün elektrolit kimi perspektivlidir.
Dəyişdirici qatqıların (dopantların) istifadəsinin effektivliyi maddənin quruluşundan asılıdır. Bu tədqiqatda alimlər dəyişdirici qatqıların BaLaInO4 əsaslı birləşmələrin quruluşuna təsirini araşdırdılar.Alimlər stronsium, barium, titan və niobium kimi kimyəvi elementlərin atomlarından dopant kimi istifadə edərək, bərk faza metodu ilə sintez zamanı maddələr aldılar.
Nəticədə alimlər müəyyən etdilər ki, dəyişdirici qatqıların istifadəsi elementar qəfəsin genişlənməsinə səbəb olsa da bu zaman quruluş çox az dəyişir.
Beləliklə oksigen ionlarının və protonların daşınması asanlaşır və ion keçiriciliyi artır. Eyni zamanda, maddənin elektrolitik xassəsi artır.
Tədqiqatın nəticələri məqalə şəklində “ Journal of Raman spectroscopy”-də dərc olunmuşdur. Bu iş Rusiya Federasiyası Prezidentinin gənc alimlər üçün verdiyi bir qrant ilə dəstəklənmişdir (No MK-24.2019.3).