Sen 14, 2020 | 12:24 / Maraqlı məlumatlar
Bir qrup rus materialşünas alimləri, mineral barium floridin səthində nanoborulardan spesifik bir örtük işləyib hazırladılar.
“Barium floridin səthində lazer yönümlü çökmə üsulu ilə karbon nanoboruları tətbiq etdikdən sonra onun xassələrində kəskin dəyişiklik baş verir. Belə ki, yeni material (BaF2 + CNTs) ultrabənövşəyi şüalanmaya (dalğa uzunluğu 280 ilə 380 nm arasında) daha şəffaf olur. Hidrofob keyfiyyətləri artır. Belə ki, material çirklənməyə daha az həssas olur və daha sürətlə quruyur). Bundan başqa nanoboruların tətbiqi barium floridinin bərkliyini 10% artırır. Tədqiqatı aparan alimlərdən biri olan Dmitri Kvaşnin alınan nəticələri maddələr arasında kovalent əlaqənin əmələ gəlməsi ilə izah edir.
Alimlərin fikrinə görə əldə edilən nəticələr optoelektronikada, spektrin infraqırmızı diapazonunda işləyən həssas diodlar üçün qoruyucu örtüklərin hazırlanmasında tətbiqini tapa bilər. Həm də, bu yeni material mürəkkəb optoelektronikanın tozdan qoruyucu elementləri kimi istifadə edilə bilər.
Aparılan elmi işlərin nəticələri Coatings beynəlxalq elmi jurnalında nəşr olunmuşdur.
https://scientificrussia.ru/articles/shuba-iz-nanotrubok-usilit-lazer