Məqalədə qeyd olunur ki, mis-qalay və mis-stibium mürəkkəb xalkogenidləri ekoloji cəhətdən təmiz və ucuz yeni termoelektrik materialların işlənib hazırlanması üçün perspektivlidir. Son zamanlar bu birləşmələrdə müxtəlif kation və anion əvəzləmələr etmək yolu ilə termoelektrik göstəricilərini artırmaq imkanlarına görə tədqiqatçıların daha çox marağına səbəb olmuşdur.

Bu məqalədə mis xalkogenidləri əsasında çoxkomponentli sistemlərin tədqiqinin davam etdirildiyi və Cu₂SnSe₃ –Sb₂ Se₃ –Se sistemində faza tarazlığının tədqiqinin nəticələri haqqında məlumat verilir.

Tədqiqat diferensial termiki analiz və rentgen şüalarının difraksiyasından istifadə etməklə aparılmışdır.

Təcrübi məlumatlara əsasən, faza diaqramının üç politermik kəsiyi tədqiq edilmiş, likvidus səthinin proyeksiyası qurulmuş, fazaların ilkin kristallaşma sahələri, non- və monovariant tarazlıqların təbiəti və temperaturları təyin edilmişdir. Müəyyən edilmişdir ki, likvidus  səthi Cu₂SnSe₃ və Sb₂Se₃  fazalarına əsaslanan iki əsas kristallaşma sahəsindən ibarətdir.  Elementar selenin ilkin kristallaşma sahəsi cırlaşmışdır. Sistemdə iki maye fazadan ibarət geniş təbəqələşmə sahəsi müşahidə edilir.

E. N. Ismayilova, L.F.Məşədiyeva, I. B. Bəxtiyarlı, M. B. Babanlı «Phase equilibria in the Cu₂SnSe₃ –Sb₂Se₃ –Se». “Condensed Matter and Interphases” 2023;25(1): 47–54. https://doi.org/10.17308/kcmf.2023.25/10973