İyn 07, 2023 | 10:00 / Maraqlı məlumatlar
Rusiyalı tədqiqatçıları polimer enerji konsentratorlarında yığılan elektrik miqdarını üç dəfə artıran yeni kompozit material hazırlayıblar. Bu kəşf bazarı tərk etmiş xarici analoqlardan səmərəliliyi baxımından heç də aşağı olmayan enerji yığan sistemləri yaratmağa imkan verəcək.
Alınmış materialla dielektrik sabitinin artırılması təkcə daha çox enerji yığmağa deyil, həm də materialın xarici elektrik sahəsinə reaksiyasını artırmağa imkan verir. Bu, kosmik və aviasiya sənayesində, səhiyyə və məişət elektronikasında istifadə olunan cihazlar üçün vacibdir. Təkmilləşdirilmiş enerji saxlama cihazları və sensorların potensialı böyükdür.
Elektrik enerjisinin saxlanması üçün kondansatorlar və digər sistemlər üçün özündə böyük miqdarda enerji saxlamağa qadir olan, yüksək dielektrik keçiriciliyə malik materiallardan istifadə edilir. Bir qayda olaraq, bunlar polimer maddələrdir,hansıların ki, ipləri arasındakı boşluqlarda cərəyanı keçirən doldurucular daxil edilir.
Rus alimləri müəyyən ediblər ki, belə polimer materialların qalınlığına maksen adlanan hissəciklər daxil edilərsə, onların enerji saxlamaq qabiliyyəti bir neçə dəfə artırıla bilər.
Alimlərin maksendən olan hissəcikləri hazırda litium-ion akkumulyatorların, superkondensatorların və digər enerji saxlama sistemlərinin istehsalında geniş istifadə olunan PVDF polimerinə yerləşdiriblər. Bu təcrübələr zamanı tədqiqatçılar polimer doldurucuya maksenlərin həm təmiz hissəciklərini, həm də onların təbəqələri arasında kimya sənayesində məşhur həlledici olan dimetilsulfoksidin molekullarının yerləşdirildiyi "uzanmış" versiyalarını yerləşdirdilər.
Alimlərin aşkar etdiyi kimi onu maksenlərin içərisinə əlavə edəndə, bu ikiölçülü materialların təbəqələrini polimer materialın qalınlığı boyunca daha bərabər paylamağa imkan verir və bu, onun enerji saxlamaq qabiliyyətini əhəmiyyətli dərəcədə yaxşılaşdırır. Bu baxımdan, "uzanmış" maksenlərin daxil olduğu polimer mövcud dolduruculardan təxminən üç dəfə üstündür. Alimlərin proqnozlarına görə, belə kompozitlər yaxın 5 ildə enerji saxlama və çevirmə qurğularına daxil ediləcək.
Tədqiqatlar Rusiya Elm Fondunun qrantı ilə dəstəkləndi. Nəticələr Nanomaterials jurnalında dərc olunub.
