May 12, 2023 | 11:00 / Maraqlı məlumatlar
Tanınır: Kimyəvi rabitənin təbiətinin izahı.
Ən yüksək mükafatlar: Kimya üzrə Nobel mükafatı (1954), Milli Elm Medalı (1974).
Laynus Polinq , şübhəsiz ki, 20-ci əsrin ən böyük alimlərindən biri idi. O, hətta müasir elm haqqında heç nə bilməyənlər üçün də ən mürəkkəb nəzəriyyələri belə maraqlı edə bilən xarizmatik natiq idi. O, 20 yaşında elmi jurnallarda kimyəvi rabitə haqqında məqalələr dərc etməyə başladı. 28 yaşına qədər o, ion birləşmələrinin kristal strukturlarını təsvir edən beş qayda nəşr etdi. Bu qaydalara aiddir.
1. Rabitənin elektrostatik davamlılığı.
2. Müxtəlif kationları olan kristallar
3. Kation radiusunun anion radiusuna nisbəti
4. Qənaətin qaydası
5. Çoxtərəflinin bucaq və tərəflərinin birgə istifadəsi.
37 yaşında Polinq məşhur "Kimyəvi rabitənin təbiəti molekulların və kristalların quruluşu" adlı məhşur dərsliyini tamamladı və bu kitabına görə 1954-cü ildə kimya üzrə Nobel mükafatı aldı. Bu dərslik 20-ci əsrin kimya üzrə ən nüfuzlu kitabı hesab olunur.Otuz il ərzində kitaba 16100 dəfədən çox istinad edilib.
Polinq , həmçinin bioloji molekulların mürəkkəb strukturlarını tədqiq etdi və zülalların ikincil strukturunda alfa spiralının və beta təbəqənin həyati rolunu gösrərdi. Onun yanaşması kvant kimyası, molekulyar modelləşmə, rentgen kristalloqrafiyasının metod və nəticələrini birləşdirdi.
Bütün karyerası ərzində Polinq 1200-dən çox kitab və məqalə dərc etdirdi, onlardan 840-a yaxını elmi mövzularla bağlı idi.
Bundan əlavə, Polinq 1962-ci ildə beynəlxalq münaqişələrin həlli vasitəsi kimi istənilən hərbi əməliyyata qarşı çıxdığına görə Nobel Sülh Mükafatına layiq görülmüşdür. O, müxtəlif sahələrdə iki tək müəllifli Nobel mükafatı qazanan yeganə şəxsdir.