3 saylı laboratoriyanın elmi işçisi Sevinc Javadova 11-13 oktyabrda Türkiyənin Ağrı vilayətində keçirilən “6^th International Conference on Advances in Natural and Applied Sciences” konfransında “Influence of Current Density on the Composition of Sb-Se Thin Films” adlı məruzə ilə onlayn formatda çıxış etmişdir.

Məruzə susuz elektrolitdən Sb-Se yarımkeçirici nazik təbəqələrinin elektrokimyəvi çökdürülməsinə və alınan təbəqələrin tərkibinə əsas amillərin təsirinə həsr edilmişdir. Optimal elektrolit tərkibini və elektroliz rejimini müəyyənləşdirmək üçün üzvi elektrolitdən çökdürülmüş Sb-Se nazik təbəqələrinin tərkibinə elektrolitin tərkibinin, temperaturun, cərəyan sıxlığının və s. təsiri öyrənilmişdir. Əldə edilən nəticələr göstərir ki, H₂SeO₃ qatılığının artması ilə alınan təbəqələrdə molibdenin miqdarı azalır. Elektroliz müddətinin artması çökən təbəqələrin tərkibinə müsbət təsir göstərir. Cərəyan sıxlığından asılı olaraq, çökdürülmüş təbəqələrin tərkibində sürmənin miqdarı artır və yüksək keyfiyyətli örtüklər 0,19 mA/sm² cərəyan sıxlığında əmələ gəlir. Çöküntülərdə sürmə və selenin miqdarı müvafiq olaraq 48,8% və 51,2% təşkil edir (stexiometrik tərkibi 50,73% Sb və 49,27% Se).