Okt 29, 2021 | 10:39 / Maraqlı məlumatlar
İnsan həyatı üçün vacib olan iki şey var: su və oksigen - ancaq Ayda onlar yoxdur. Lakin yeni texnika sayəsində kosmonavtlar bu elementləri Ay suxurlarından çıxara biləcəklər.
Laboratoriya şəraitində tədqiqatçılar süni Ay suxurunu sobada - hidrogen və metanın iştirakı ilə - təxminən 1000 ºC temperatura qədər qızdırmağa başladılar. Bu, suxurun buxarlanmasına gətirib çıxardı, nəticədə oksigen tərkibli minerallar ərimə fazasını keçmədən bərk haldan birbaşa qaz halına keçir. Bu qazlar və qalıq metan daha sonra katalitik neytrallaşdırıcıya və kondensatora göndərilir . Kondensator isə maye suyu qarışıqdan ayırır. Bu su daha sonra istehlak edilə bilər (işlədilə bilər) və ya elektroliz vasitəsi ilə oksigen çıxarıla bilər.
Yerdə qalan hidrogen və metanı sistemdə utilizasiya etmək (istifadə etmək) olar. Ay koloniyalarında başqa məqsədlər üçün təkrar emal edilə bilən silisium oksid və metallarla zəngin olan bərk bir yan məhsul da var. Bu proses olduqca mürəkkəb görünsə də, öz-özünə edilə bilər.
Milan Politexnik Universitetindən professor Mişel Lavanya deyir: "Təcrübələrimiz göstərir ki, qurgu geniş həcmdədir və insan müdaxiləsinə ehtiyac olmadan və tıxanmadan tam avtonom qapalı çevrədə işləyə bilər".