Sen 03, 2020 | 13:23 / Maraqlı məlumatlar
D.I. Mendeleyev adına Rusiya Kimya-Texnologiya Universitetinin alimləri rusiyalı və yunan həmkarları ilə birlikdə polianilin perspektivli keçirici polimerinin silikagel zərrəciklərindən hazırlanmış altyastığın səthində lokal şəkildə sintezi üsulunu təklif etdilər. Yeni yanaşma materialın keyfiyyətinə və xassələrinə diqqətlə nəzarət etməyə imkan verəcəkdir. Tədqiqatçılar farmakoloji preparatların daşıyıcılarını yaratmaq üçün yeni materialdan istifadə etməyi, həmçinin digər polimerlər və altyastıqlar nümunəsində metodun işlənməsini planlaşdırırlar.
Prosesin ətraflı öyrənilməsi üçün alimlər bir sıra əlavə təcrübələr aparıblar. Belə ki, elektron paramaqnit rezonans üsulu ilə onlar gedən reaksiyaların kinetikasını öyrənmiş və polimerləşmənin yalnız bərk daşıyıcının (silikagelin) və monomerin maye məhlulunun sərhəddində baş verdiyini sübut etmişlər.
Nəticələr "Polymer" jurnalında dərc olunub.
