News
Gənc alimlər AMEA əməkdaşları üçün tikilən yaşayış kompleksinin inşaat işləri ilə tanış olublar
Apr 06, 2018 | 13:41 / Important events
Read 462 time (-s)

AMEA-nın Gənc Alim və Mütəxəssislər Şurasının (GAMŞ) üzvləri Abşeron rayonunun Saray qəsəbəsində yerləşən “Alimlər şəhərciyi”ni (Science City) ziyarət edib, akademiya əməkdaşları üçün tikilən kooperativ yaşayış kompleksinin inşaat işləri ilə yerində tanış olublar.

Məlumat verilib ki, əsasən gənc alim və mütəxəssislərin mənzil şəraitinin yaxşılaşdırılmasına xidmət edən yaşayış kompleksi akademiya rəhbərliyinin ən uğurlu layihələrdən biridir və bu, istedadlı gənclərin elmə cəlb olunmasında mühüm həvəsləndirmə rolunu oynayacaq.

GAMŞ üzvləri “Science City”nin ekoloji təmiz havası olan ərazidə yerləşməsini, həmçinin kompleks ətrafında müvafiq sosial infrastrukturun tikintisinin planlaşdırılmasını yüksək qiymətləndiriblər.

Qeyd edək ki, 7 hektarlıq ərazidə reallaşdırılacaq layihə çərçivəsində ümumilikdə 18 bloklu binanın tikilməsi və 1928 mənzilin istifadəyə verilməsi nəzərdə tutulur. İlk binanın inşasının isə 2 ilə başa çatdırılması planlaşdırılır.

JOURNALS
Useful links