Karlsrue Texnoloji institutunun kimyaçıları 3D printeri üçün “mürəkkəb” işləyib hazırlayıblar. Bu “mürəkkəb” təmiz və şəffaf kvars şüşədən olan məhsulları çap etməyə imkan verir. Yeni texnologiya kvarsdan olan laboratoriya mikroqablarının və optiki sxemlərin elementlərinin istehsalına, eyni zamanda fərdi və təkrarolunmaz şüşə məhsullarını yaratmağa imkan verəcək. Bunları isə adi şüşəüfürmə istehsalının texnologiyası vasitəsi istehsal etmək çətin və ya heç mümkün deyil.