Fev 06, 2017 | 12:00 / Nəşrlər
Monoqrafiyada epixlorhidrinin, çoxfunksiyalı birləşmələri reaksiyaları (oksiturşularla, aminoturşularla, sulfoturşularla, tioturşularla, ketospirtlərlə, oksişulfoturşularla, aminotiofenollarla) və eyni zamanda tsiklik ketonlarla, fenollarla, laktamlarla, oksitlərlə ətraflı öyrənilmiş. Tsiklik efiroketallar və aminoketallar üzrə bölmələr verilmiş, eyni zamanda naften, aromatik turşuların mono və diepoksiefirlərinin və naften sırası doymamış spitlərin sintez və alınma mexanizmləri ilə əlaqədar məsələlərə baxılmışdır. Sintezin optimal şəraiti öyrənilmiş, reaksiyaların kinetika və mexanizmi tədqiq edilmiş, fiziki-kimyəvi göstəricilər təyin edilmiş və alınmış çoxfunksiyalı birləşmələrin tədbiq sahələri verilmişdir. Kitab üzvi sintez və neftkimyası sahəsində çalışan mütəxəssislər üçün nəzərdə tutlmuşdur. Müəllif kollektivi – neft kimyası və üzvi sintez, kompleks birləşmələr kimyası və ekstraksiya prosesində çalışan aparıcı mütəxəssislərdir. Onların əsas elmi istiqaməti neft karbohidrogenlərinin oksidləşmə reaksiyalarında və başqa katalitik proseslərdə istifadə olunan biomimetic katalizatorların sintezidir.
С.К. Шарифова, С.Б. Зейналов, Э.Р. Гусейнов "Многофункциональные соединения на основе эпихлоргидрина". Palmarium Academic Publishing, Saarbrücken, Deutschland/Германия - 2016. 88 c.